Belajar Petatah Petitih Adat atau Kato Pasambahan Melalui Web Desa

Dodi Susandra, S. Hut, Kades Kp Apar

Assalamualaikum Dunsanak kami kasadonyo.

Kemampuan Kato pasambahan adolah salah satu yang paralu dimiliki oleh masyarakat kito tarutamo bagi anak laki-laki.

Sebab setiap aktivitas sosial dan adat kato pasambahan salalu menjadi hal yang paralu diaplikasikan di saat dilakukanyo parundingan.

Apo sajo bentuk parundingan yang dimukasuik diantaranyo yaitu

1. Parundingan Kampung-kampungan

2. Parundingan Maantaan Tando (Batunangan)

3. Parundingan mainyeah Marapulai.

Selain itu pengaplikasian kato pasambahan ko juo digunoaan katiko kegiatan kegitan sosial lainya diantaranya untuk agenda syukuran atau mandoa di ateh rumah dan juo digunakan katiko ka mamasuakan bantu (mambuek rumah baru yang manyaru ughng nugari), Atau pado acara manyarahkan sanak tau kamanakan ka suatu kaum supayo dianggap menjadi bagian dari kaum tersebut bagi yang indak punyo dunsanak saat hendak tinggal di tempat yang baru.

Paling tidak itulah beberapa penerapan atau pengaplikasian kato pasambahan/petatah petitih  ko.

Sadangkan ado dasarnyo kato pasambahan ko bisa dikatoan adalah suatu mekanime yang barisi alur atau tahapan dalam musyawarah dalam hal yang kito tuliskan di ateh tadi.

Nah apo sajo tahapan-tahapan dalam musyawarah tu diantaronyo,

1. Lakuang Batinjau Kalam Basigi

2. Taratik Sambah

3.Sighiah

4. Niek Mukasuik.

Nah pada tahap niek mukasuik  iko lah yang dapat menjelaskan perundingan tau musyawarah apo yang sedang dilakukan.

Apokah nieknyo kampuang-kampungan, maiyeah marapulai, atau batuka tando (tunangan)  dan lainyo.

Nah, itulah saketek yang bisa admin bagikan samataro dulu, kok ado salah mohon dimaafkan dan kok ado tukuk tambah e dek angku, mamak, serta karib karabat lainyo silahkan disampaikan di kolom komentar.

Buliah admin bisa merevisinyo nanti.

O iyo,   kami bermaksud akan mancubo mambantu dunsanak-dunsanak kami baik yang dirantau atu di kampung tarutamo yang mudo-mudo yang punyo keinginan untuk baghaja bisa kito basamo-samo baghaja disiko.

Nah seperti apo isi nasakah dialog dalam petatah petitih ko nantinyo insya Allah akan admin upload melalui web desa kito ko.

Kito baraja sembari memanfaatkan teknologi serta mendorong web desa menjadi lebih produktif dan mengisinya dengan hal hal yang bermanfaat.

Kito juo mintak dukungan dari sagalo pihak untuk niek baik kito ko.

Samantaro baghaja kato pasambahan secara langsuang ko lah dijadwalkan pulo oleh kapalo mudo jo ughang tuo desa yang diselenggarakan tiok haghi salasa dan jumat malam.

Bagi yang ingin baghaja silahkan datang dan baghabuang basamo yang lainyo. Tantu iko gratis alias indak mambayia.

Insya allah bentuk dialog naskahnyo kito update secara berkala dunsanak.

Mulai dari lakuang batinjau kalam basigi, satinah kato/taratik sambah, sighiah dan niek mukasuik. Tamasuak naskah pidato/khutbah nikah niniak mamak.

Khutbah nikah niniak mamak..mmm kiro kiro Alah ado yang tahu maksud khutbah nikah niniak mamak ko?

Yang alun tahu pasti penasaran kan..? Heheh

Oleh karena itu mari samo-samo kito baghaja dan ikuti web kampungapar.desa.id ko yo sanak.

Terakhir, kebetulan adminpun juo masih tahap baghaja, mako dari itu iyo dimintak pulo bimbingan dan arahan jiko ado yang keliru dalam menguraikan naskah ko nantinyo.

Maklumlah tantang diri admin nan ko, basuo juo bak undang-undang urang nan tuo dulu, kok umua baru satahun jaguang, darah baru satampuak pinang, akak pendek pandapek balun. Masih banyak yang musti dipaghajaan lai.

Mangko dari itu support atau dukungan dari seluruh pihak tarutamo niniak nan jo mamak serta angku-angku cadiak pandai lainyo.

Tarimo kasih

(Admin/jp)

 

 

Jadi yang Pertama Berkomentar

Leave a Reply